بسمة في ألمآنيآ !!

مرحبآ السآع كليآتكون D;

طبعاً إنتهت السنه التحضيريه بسلآم وحطيت خيآرآتي وهي كـ الآتي ;P

فنون جميله

نظم معلومآت

قانون

وتطول القائمه عآد ..

سلمكم الله آنآ حآطه كل أمآلي بفنون حتى إني يوم إختبرت إختبآر القبول أببدعت بالرسم مع إني مآ آحب الرسم D:

لكن قسم المرآقبه جآيتني تمدح رسمتي ;O

لكن قدر الله وإنقبلت بسيم قآنون ، طبعاً هو إنتحآر إني أدرس قآنون !

مع إني كنت بالأول أقول عدي لو إختآروني لكن يوم جت الصدقيه قلت لآآع :*(

قدر الله علي وسآفرت ألمآنيآ وقعدت فيهآ ولآ رجعت للدرآسه واللي بالسعوديه أجلوآ لي ترم وقلت أنآ دآمني بألمآنيآ خليني أدرس إنجليزي ;P

عآد دخلت معهد ودخلت إنجليزي وألمآني

طبعاً لحد يسألني عن الألمآني ، مع كلآسآت المُبتدأين والإستآذه تشرح الدرس وآقولهآ مو فآهمه ، وتروح تشرحلي إيآهآ بالألمآني :P هههههههههههه

يعني ينقآلي فهمت الأولى علشآن أفهم الثآنيه ، بس مآ عليهم بديت أخط الخط

لكن أنآ اللي يبط تسبدي آنو الكلمآت نصهآ إنجليزيه لكن فيهآ عوجه شوي

يعني زي ..

Gutun morgin = good morning

datum = date

gutun nacht = good night

» طبعاً هذي تنطق نخت ;P » أنفع أصير مُدرسه مو ;P

خلونآ من كلآسآت الألمآني عآدي مُبتدأه مره

لكن نجي عند كلآسآت الإنجليزي ، طبعاً أول شي كآن عندي إستآذ أُسترآلي إسمه كڤن » الله يآ دنيآ .. مُدرسس يآ بسمه D;

المهم الأسترآلي يوسع الصدر جداً ، وبنفس الوقت ندرس بكلآس المحآدثآت اللي هو ريشي

طبعاً آنآ آول مآ قريت إسمه بالجدول آقول آوه المس حقتنآ إسمهآ ريشي وقآمت تضحك المسؤوله تقول لآآآ هذآ رجآل :$

خخخخخخخ

ريشي قصته قصه ، هو أبوه هندي وأمه ألمآنيه وعآيش طول حيآته بكندآ

جآي ألمآنيآ علشآن خويته لكن الأمور مآ مشت زين D;

ريشي إنسآن محترم جداً وكويس .. يعني لآ غآب أحد يسأله ويقوله فقدنآك وتسذآ ;P

لكن بعد فتره تغيرت الجدآول وصآر إستآذنآ بريطآني إسمه نڤل

نڤل يوسع الصدر مره وخاصة نذب عليه عآدي يضحك ، 

من فتره قآعدين نسولف وفجأه دخلنآ بالأديآن ، العم مُلحد ، عآد أنآ وأحمد نتكلم معآه ونبي نثبت له وجود الله سبحآنه

ونقوله أشياء ونقوله يلآ أثبت ، يقول مآ آدري لكن هذآ سحر ،

قمت آنكت عليه وقلت إيه الحجآره تجمعت زي المغنآطيس وطلعنآ حنآ للعآلم !

الزبده بالأخير قلت له [ لكم دينكم ولي دين ]

طبعاً هنآ الدرآسه ممُتعه من نآحية الدروس يعني الدرس كأنه سوآلف مو درس ق١

لكن يعني مآ فيه أكشنآت ودكتورآت مصريآت وتزبيد وحآله زي الجآمعه D;

* مآ يُستفآد ..

المُلحدين مآ عندهم سآلفه وحجتهم وآهيه وتقدر تغلبهم بجملة " من وين تكون هالعالم ! العالمم ، الجسم البشري الكائنآت الدقيقه وكل شي بالعآلم وبالمجره أكملهآ ، لآزم تكون مصنوعه بيد محترف ! "

بُركتم ;O

بآزآر بسيم خآنوآ

مره من المرات وانا في جامعتي السعيده ^،^ » آتسذب !

المهم كنت طالعه من أخر محاضره لي وبطلع آنآ والبنات إلآ كان قدامي طاوله مابها إلآ ورقتين وآدميه وآقفه عندهآ ، 

عآد عرق اللقافه بدآ ينبض عندي بشده ;P رحت لمها ، وقالت انو فيه بازار بعد أسبوع بازار خاص بالطالبات ، وتقدرين تحجزين طاولتك 

الزبده مدري اللي إيش خلاني آحجز لي طاوله ، عاد رجعت البيت وآنآ آفكر وش آسوي :| والله الورطه 

عاد جتني فكره ، اللي هي تصويري آسوي منه ملفآت ونوت وفوآصل ولوحات جداريه ، 

بديت شغل ورحت للمطبعه وسويت آموري كلهآ وجآ اليوم المعهود ;P 

سبحان الله كل البنات ساحبات ! وآدقدق عليهم هالهيسات وولآ وحده ترد :| ، يعني مآ حلى لهم يسوون غيآب جمآعي إلآ هاليوم ! 

فرشت الشرشف على الطآوله وبسم الله " فتآح يآ كريم رزآق يآ عليم " بديت آصف الفوآصل والنوت والفولدرات وعلقت اللوحات ، 

عآد آوووول وحده جتني D; 

قعدت شوي وهي تطالع لوحه من اللوحات ، كانت قطرات مويه على شبآك السيآره ومن ورى أضواء السيآرآت طآلعه دوائر ;P ، المهم البنت قعدت شوووي وهي تطآلع ;P 

- سمي آقدر آخدمك :$ 

البنت ضمت يدينها وعضت على شفآيفهآ وتنهدت بقوه » هههههههههههه D: 

- يآ لببببببببببييييه مررره رومنسيه 

- هههههه يآ حبيلك ، آعجبتك ! 

» قمممة التسسسليييييك ! 

- إيه حيل حبيتهآ . 

طيب ورآه مآ تشترينهآ وآنآ آختك -،- مشت وآنآ ميته من الضحك عليهآ هههههههههههههه D: 

بديت آبيع والبنآت فيهم حول ! تجيني وحده وقول هذآ رسمك ! يآربيه ودكم تصفقونهم ! 

شوي وجوني فوج كبير :/ كله حريم ، ومسوين زحمه والبنآت آبعدوآ من عندي وجوآ ذولي ، كآنت وحده شكلهآ رزه ;P قلت آنآ لآتكون العميده بس ، طلعت برفسوره في قسم الفنون ، قمت آشرح لهآ ركني وإنهبلت يوم درت آنهآ تصويري ، تحسبهآ صور من برآ وآنآ مسويتهآ كذآ ;P

المهم مسكت ملف من الملفات وهي تطآلعهآ ، كآنت كآسآت لقيتهآ بمطعم مصفوفه

- هذآ وشو ! 

مسكت الملف وفتحته وآبعدت عنهآ شوي علشآن تركز . 

- فكي النظآروه علشآن تبين الرؤيآ . 

مآتت من الضحك ، وآنآ تحسون آم الشبآب طآقه الميآنه ، عآد شآفتهآ وقمت آشرح لهآ الفكره وآخذت مجموعة ملفآت وشرتهآ ، والمرآفقه حقتهآ قعدت عندي كآنت بعد تبي تشتري ملفآت ، المهم كآنت صوره آنا مصورتهآ بالبر فيه ورد بنفسجي ،

- الآآآه ، هذآ لآفندر . 

- ههههههه تخيلي لآفندر بالبر ;P 

- أجل وشو ، لآنو آنآ متآكده هذآ لآفندر .

- مدري ورود بالبر مآ آعرف إسمهآ » آحب نفسي ترآ xD

- آهآ طيب

قآمت تسلك لي وشرتهآ ومشت ، المهم بعد نص سآعه من الشر جآيه 

- تدرين طلع هذآ خزامى ، يعني لآفندر

لحظتهآ بغيت آنبطح على الآرض وآصيح تدرون ;O

عآد مرت الثلآث آيام كآنت من آجمل الآيام بحيآتي ، صديقآتي دآوموآ اليوم الثاني والثالث ويبيعون وتقل بحرآج بن قآسم ، كآن وسآعة صدر الصرآحه . 

تذكرون بالتدوينه اللي فاتت يوم قلت لكم طلبت من مآريآ شي بالطريقه المهذبه اللي كنآ تونآ دآرسينهآ ، طبعاً هذآ هو اللي هو تجيني تزورني بالبآزآر 

وسبحآن الله جتني قبل لآ آفرش ومشت لمكتبهآ لكن سسسبحآن الله البازار كله رآح لهآ بمكتبهآ ;P   

* نصيحه للي عنده موهبه ، فيه بآزآرآت كثيره مو بس بالجآمعه ، إستغلو موهبتكم وإكتشفوآ آنفسكم ;O 

والله ولي التوفيق ^،^ 3>

العورآ والعويرآ !

وجآ الترم الثآني وبدوآ النآس دوآمآت ، طبعاً تباً لهم قآلوآ لنآ دآوموآ آول إسبوع ، وأنآ معصي أداوم :|

عيب حتى ! بثنويتي مآكنا نداوم أول إسبوع كانو يعطونآ أوف أول إسبوع :$

المهم محد داوم ، رحت انا يوم الاحد بعد تفله من أمي ليش أغيب السبت :| ، المهم دخلت وتيتشر جديدة ، كانت أمريكيه وقامت تعرف بنفسها أنا أول مآ  شفت خشتهآ إستانست :$

بس يوم بدت تتكلم مآلت عليهآ أكسنت حقها تقل أكسنت عبيد على أكسنت مصآريه  :(

ههههههه مرام تقولي أقص يدي إن مآ كانت مصريه ;P

المهم بنفس الكلاس قالت أنو الحين بتنتقلون للكلاس الثاني اللي فيه مس مآيآ من لبنان !

الآآآآه إسمهآ حلو ♥ _ ♥ ، لآ ولبنانيه :$ ! أنآ تخيلتها مايا نصري على شوية نجوى كرم ;P

خلص الكلاس وكان بريك ربع ساعه ودخلنا على الثانيه ، يوم شفنها إنصدمنا صدمت عمرنا :/

طلعت الأدميه حامل وكرشتها طاقه للارض وقصيره وشعرها قصير وعكس تماماً اللي أنآ تخيلتهآ :|

يعني العورا والعويرا -_-" !

مآريآ بدآ يطلع لنآ وجه آخر لها :/

يعني تقل من عجز القصيم اللي يحتسون تسثير ويشرهون وحالة أمهآ حاله :|

ومآ قدمهآ إلآ بسمه ! ويآليت تقول بسمه ،

تقول بآصمآ !

تذكرني بسواقين لنا الله يذكرهم بالخير كان واحد سيرلانكي وشوي متطور ، يناديني ms.Basma ! :$

والأخر أندونيسي يناديني بصمة .

المهم مآريآ من ندخل الكلاس لين نطلع محد يجاوب ولا يرد عليهآ ولا أساساً يلقي لهآ وجه غيري :|

عآد ذاك اليوم مدري ش فيهآ نادتني وهي تتكلم كل مالها تقرب -.- وأنآ أرجع وهي تقرب

يعني خلآص إذلفي ، ترآ فيه أشياء تتطاير منك وأنتي متحمسه -.-

خلوني أوريكم صورتهآ

تحسون ضحكه شريره مليئة بالأحقاد المكنونه ;P

عاد ذاك اليوم كنا ماخذين أنو كيف نسأل شخص أو نطلب منه خدمه بطريقه مهذبه جداً .

فـ كان أنآ عندي شي ورحت طلبت منهآ وسبحان الله تطبيق مباشر :$

طبعاً جتها حالة التشنج وتشبصت وهي بتطير من الوناسه وتقوم وتخمني وتمطخني " الله يلوع جبدها -.- "

عآد تدرون لما تضحك أو تعصب أو تسوي أي ري أكشن تيبس وتجيها تشنجات وتحسون إنهآ شوي وجيهآ جلطه o_o

أمآ مايا يا حليلها تقعد تناقز وفجأه تصرخ ، يعني قاعده تتكلم وعند كلمه ترفع من الموجات الصوتيه إلى أقصى درجه وتصرخ ، في البدايه كنت أفز بس بعدين صار عندي منآعه ومآ صرت أفز D=

وشرحهآ حلو يعني هي إسلوبها بالشرح جميل ، يخلي الواحد يركز 

وأنآ إلى الحين مدري كيف الضعيفه حامل وكرشتها تنرحم وهي تناقز !

بس أهم شي البنآت يقولون حنآ لآزم نتعلم الإسعافات الآوليه D= 

وحده بتجيهآ جلطه والثانيه بتولد علينآ ، 

بس أستغفر الله ذآك اليوم مع البنات كان شكل مايا تعبانه عاد نقول بنات وحده تروح تجيب كتاب طريقة التوليد الحين تولد علينآ وحنآ مآسكين الكتآب نطبق ، يلآ الحين ننتقل لـ المرحله اللي بعدهآ ;P  هههههههههههههههههه ;P 

عآد يآ حليلهآ ولدت من إسبوعين ^,^

حلفتنا الوداعيه والبنت اللي تصور » وآخزيآه ;O

جت فترة المراجعه وقررنا انا والبنات نسوي حفله لتيتشرات الانجليزي هما هم اللي كل يوم قدآمنآ :P

بس سبحان الله في هالفتره منعوا نجيب فطور من برا :| تتتباً لهم ، بس ما خلينا بنفسنا واتفقنا نجيب كيكه :$

واللي تجيب القهوه واللي تجيب المدري وشو . . .إلخ .

جبت انا كميرتي وغبيتها بالشنطه ;P » دايم مخالفه ;P

المهم اللي بتجيب الكيكه شيخه والكيكه كبر قريح  وشيخه تكلمني تقول تعالي عن الباب ، رحت لها وانا اكلمها

-  اسمعي شّيّوخْ رددي وراي [ وجعلنا من بين ايديهم سداً ومن خلفهم سداً فأغشيناهم فهم لا يبصرون ]

- هههههههه بسمه وش تبين

- يا دبببه ردديها وانتي ساكته ، موب ناقصين يمسكونها الحين ، ويذهب كل شيء سُدى !!

المهم بعد ططقاق قالتها ، وسبحان الله دخلت هي والخدامه والامن قدامنا ولا قالوآ ولا شي :| مع انو نازل قرار يمنع الكيكات والاكل بشكل عام ، واقفات الآمن تقل سُبهلل ;P ، كنا خايفين جداً آنهم يمسكونهآ

دخلنا ورتبنا الكلاس ، واتفقنا ندخل التيتشرين مع بعض ، يعني سماح نسمكها على اساس انو سؤال بالماده وننادي نوف وندخلهم فجأه ، كان ودي انو على دخلتهم نولع الشموع بس ندوشه تآخرت يآ ملا الصلاح والستر هي اللي معها ولاعه

عآد دخلنآهم وصرآخ وحآله ;P ،

طلبنا من المصريه انها تتكلم عربي ، لانها من اول كلاس الى ذاك اليوم ما تكلمت عربي :| !!

قامت تضحك قالت اوكي ، 

- بصو يا بنات 

هي بس قالت كيذا واسمع الصراخ ههههههههههههه ، حتى صوتها تغير مع المصريه ههههههههه يازينها ، اضفتها في البي بي ، وحاطه صورة كُشري ، سسنعه مسويه كشري وموديته للجامعه ;P 

بس لها اكثر من شهرين حاطتها وإلى الحين مآ غيرت الصوره ههههههههه ;P يمقن مفصوله خدمتها ويمقن لآ ;P 

عاد هذي صور للحفله :$ 

كآن ششششي جممميل بالحيآة صآر ، بس آحلى شي مآ آخذنا كلاس بذاك اليوم ههههههههه ;P

عآد بنفس هالفتره اللي هي فترة المراجعه ، طلعت سالفه أذهلت الجميع ;P » يآلآ الهول :|

إنتشرت سالفة البنت اللي تصور البنات ههههههههههه ;O ، 

هذآ البرود كاست اللي أرسلته : 

 [ لجميع طالبات جامعة الأميرة نوره راح أفضح كل وحده في الجامعة من خلال قناتي اللي باليوتيوب , وكلها شهر وناقلة للجامعة الجديدة وأي بنت حلوه أو كشخة أو دلوعة أو بوية راح أصورها وأفضحها أبدق الرعب في قلوبكم , 

أول إصدار كلية رياض الأطفال , 

ثاني إصدار كلية لغات وترجمه , 

ثالث إصدار كليه إدارة أعمال , 

رابع إصدار كليه التربية , 

وراح أمشي بالجوال بالكافتريات والى تطلع حضها ونصيبها ,وما تهمني أي دعوه لأنها ماراح تستجاب ترقبونى ] 

ههههههههههههههههه أستغفر الله يآربي ، الله يعافيها ولا يبلانا ، 

عاد هي كانت بالآداب ومباني الأداب جنب مباني التحضيريه ، كل من دخل بلغ عنها ، عاد اعرف وحده ابوها بالآماره يقول البلاغ وصل لهم ومسكوا البنت عآد انا مآ كسر خآطري ولآ شلت هم إلا البنت اللي صورتها وإنتشرت صورهآ :( 

"  اللهم استرنا فوق الارض وتحت الارض ويوم العرض " 

المهم مشت السالفه وبعدين أجزنا إسبوع وبعدها جت الإختبارات ، عآد على إثر هالسالفه منعوا جوالات الكميرا ههههههه 

طبعاً كله كوم والبرود كاستات وتعليقات البنات كوم آخر ههههههههههه ;P 

آكثر برود كاست ضحكت عليه هذآ : 

قريباً في جامعة الأميره نوره 

[ http://www.4shared.com/mp3/vVurKuA-/attraction.html ] 

ههههههههههههه ، شعب فآضي وجته سآلفه ;P 

قبل الإختبار بيوم القروب مشتغل ;P ، قاعدين نسوي خطط كيف نهرب جوالاتنا . يعني صدق اللي يشوفنا وحنا نتكلم يموت من الضحك 

طبعاً وحده بتغبيه بجزمتها واللي بتغبيه بآماكن مخصصه ;O واللي بتغبيه بساقها واللي ببطنها واللي بشوشتها ;P ، ووحده قالت بحط مخبآت سري :P 

واللي بتحطه بوسط الكتاب واللي ببوكها .

آهم شي ندى قآلت بنآت لو بتشوفنآ العميده وحنآ نتكلم بترحمنآ وبتقول تكككككفوووون دخلوها ، عآدي ههههههههههههه ;P 

عآد آنآ كانت خطتي خطططه تمويهيه ;P » ينقآلي بس ;P

جبت جوال نوكيا قديم ، بس تراه كشخه فيه كشاف وفيه لعبة سناك ههههههههههههههههههههه ;P 

والبلاك بيري غبيته بساقي ، علشان كان برد ولابسين بناطيل سترتش انا دخلته بساقي وربطت ساقي من تحت علشان مآ يطيح 

ودخلت عآدي ، آصلاَ حتى تفتيشهم تسليك بس يطلون على الشنطه ولا يفتحون الجيوب وولا شي 

بس عقب مآ رجعنا للدوامات الترم الثاني عآدي نسوا السالفه ;P 

بس آنآ قعدت آكلم البنآت عن البنت هذي اللي قآمت تمشي وتصور ! موب صآحيه آبد o_O طيب ليه ! 

يآرب لآ تفضحنآ ، وش سووا لك ! اكيد البنت يآ مريضه نفسياً يآ مريضه نفسياً يآ مريضه نفسياً ، هذي آعراض مو لعبه . ! 

انا اقول المفروض يقيمون عليها حد هتك الاعراض ! ، عآد قآلوآ آنهم سجنوها وبيجلدونها ، الله يصلحها ويهديها بس .

مآ يستفآد من الهرجه اللي بالآعلى :$ : 

- آهم شي بالعالم حفلة وداعيه للتيتشرات الزينات بس ;P 

- [ وجعلنا من بين ايديهم سداً ومن خلفهم سداً فأغشيناهم فهم لا يبصرون ] لها مفعول عججججييييب سبحان الله 3> .

- لآ صآر عندكم نفس اللي عندنآ ووحده قآمت تصور البنات ، إدخلي بعبآتتس وتغطي زين ;P 

- آحلى شي بالعالم جوالات النوكيآ فيهآ السنآك ;P » على طآري السنآك من يومين صآرت الثعبان طويله جداً لدرجة إني ما قدرت آلف لف وخسرت :( 

- آحسن شي بالعالم الخطط التمويهيه زيي انا ، إستفيدوا من خطتي ;P 

- كل شي ولآ هتك الاعراض ، مهما كان ومهما صار ، لانو الدنيا دواره ! 

بسمه وندى والشنبآت :$

طبعاً يعجبني بنفسي آشد الإعجآب إني مآ آسوي وآجبآتي ولآ آذآكر كوزآتي إلآ بالسيآرة وآنآ رآيحه للجآمعه ;p ،

بتقولون ليش بقولكم الحين بالسيآره بدآل مآ آقعد على جوآلي ولآ آهوجس ولآ إبليسي يوسوس لي ، آولى لي إني آدرس ، يعني تخيلوآ آقعد آنكد على نفسي بالبيت وآحرم نفسي من المسلسلآت الكوريه علشآن بس آذآكر :|

وبعدين الطريق من البيت للجآمعه يآ كآفي سفر موب مشوآر دآخل الريآض -.-

المهم إني من بعد مآ بديت ميآنه مع البنآت كنآ بالقروب نشتغل كلنآ إلآ فدآ وندوشه كآنن يسرحن بخيآلهن إلى عآمهن الآخر ;P 

عآد تذكرت سآلفه صآرت لي يوم كنت بالإبتدائي وقلتهآ لهم ، المهم السآلفه آنو مره آخذنآ محآضره اللي تصير بالفسحه 

عن الصديق وكيذآ ، وإذآ شفنآ صديقنآ مستوآه بدآ يترآجع لآزم ننصحه وننبه على الغلط والتنبيه مو لآزم يكون فقط بالموآجهه يعني إذآ كنآ مستحين نقدر نرسل للشخص رسآله 

عآد كآنت معنآ وحده كآنت دآفوره وفجأه البنت صآرت تجيب العيد بالإختبآرآت وكيذآ 

قلت آنآ وصديقآتي القديمآت ، خلآص لآزم نرسل لهآ رسلهآ ننبهآ هههههههههه ;O 

يآزيني من يوم وآنآ بزر وآنآ نآصحه إجتمآعيه ;P ، عآد آرسلنآ لهآ الرسآله وكتبنآ خرآبيط ، ونحنو نحبوكي ونرآكي تترآجعين وتنحدرين بالمستوى هههههههه يعني الإملاء لحآله كآن حكآيه ;P 

وبالآخير كتبت الرسآله من مجهول هههههههههههههه D= 

عآد آقول لفدو وندوش ترآ قربت الرسآله هههههه لين يوم من الآيآم كنت رآيقه ورحت كتبتهآ وآرسلتهآ لهم هههههههه 

قعدت توآ آدور بأرشي المحآدثآت وزين لقيت المحآدثه :$ 

هههههههههه آهم شي يطيح الفأس بالرأس هههههههههه ، بس كآني لآحظت آنهم تعدلوآ شويه ;P 

عآد مر الوقت جت إجآزة الحج !

صآرت لي ظروف :"( غبت آول إسبوع من بدآية الدرآسه ، ومستوآي نزل جدن :(

والله يآصرت مآ آوآطن الجآمعه :| ،

آدري عرق اللقآفه بتقولون وش ذآ الظرف ! ، آخوي الصغير صآر له حآدث بالدبآب وصآر عنده وفآة دمآغيه

قعد شهر بالمستشفى وإنتقل لرحمة الله ، الحمدلله على كل حآل صآر طير من طيور الجنه ^،^

والحمدلله كذآ مره شفته بالحلم :$

والله يجمعنآ معآه يآرب في جنآت الفردوس الآعلى ،

عآد بعد مآ توفى فصولي بشهر صآر عندنآ بآزآر ، طبعاً البآزآرآت عندنآ كثر الدبآ ;P ، كل شوي بآزآر ، كل من هب ودب سوآ بآزآر ;P ، وطبعاً هنآك مآ غير نبلع ، يآ كآفي سمنآ مره -.- بكككل جخر قهوه ولآ كآفيتيريآ ولآ مطعم .

المهم في البآزآر مشينآ آنآ والبنآت ووقفنآ عند كشك لقينآه يبيع طوآقي ،

عآد الطوآقي تبرق D=

شريت آنآ وندوشه ^،^ ، لبسنآهم وقمنآ نمشي هههههه كآننآ من المريخ جآيين كلن يطآلعنآ ;P

هذي هي القبعه عآد ;P

وعآد درنآ البآزآر كله ورجعنآ مبنآي علشآن آبسحب من الصرآف -.- ، والبنآت على الصرآف تقل شآيفين سآمر المصري منكبين كببب ، المهم وآنآ رآيحه للجحيم ولآ وحده من البنآت تنآديني ، كآنت معي بالثنوي قآعده تضحك على الطآقيه ،

- دقيقه هآتيهآ خلي بصور فيهآ ;P 

وشوي طلعت ششششششي جمممممييييل :| طلعت شنب آنآ مت من الضحك 

- من وين جآيبته ;P 

- من البآزآر ، 

- زين زين آجيب لي وآحد آنآ بعد 

المهم رحت للصرآف وبعد سسسسنه مسيره إلى الصرآف والزحمه والدنيآ ، بطآقتي عيت تسحب -.- تبطحت بالجآمعه وآنآ آصيح :"(

قمت ورجعت للبآزآر ، شكلي يضحك آوقف عند الكشك وآقولهم عندكم شنب ;P ههههههه البنآت اللي وآقفآت فجآه يلتفتون ههههههههههه ;P ، وبعد معآنآة ودورآن لقيت ششنب :$ ،

آخذنآ آنآ وندى وفدآ ، وآنآ وندى لبسنآهم وقمنآ نمشي 

عآد من جد هالمره البنآت بس يلتفتون ويآشرون ، واللي تنآدي صديقتهآ شوفي شوفي D=

قلنآ بنروح مبنى 11 ابعد مبنى علشآن بنفطر هنآك وإحنى مآشين كآن فيه كرآسي والبنآت كلهم إنكسرت رقآبهم وهم يتلفتون هههههههه عآد ندى قآلت 

- بنآت تبون تصورون معنآ ههههههههههههه

البنآت قآموآ يسلكون خخخخخخ يآزينهآ ندوشه تمشي وتقول تصورون معنآ ههههه :$ ، دخلنآ المبنى ورحنآ آكلنآ بس فكينآ شنبآتنآ شوي ههههه

ولمآ خلصنآ آنآ رجعت الشنب بس ندى لآ ، وصرت بس آنآ اللي لآبسه شنب ، عآد قمنآ نتمشى بأرجاء جآمعتنآ السعيده إلآ فجأه آحد يصآرخ ولمآ إلتفت ولآهآ وحده تقولي 

- ششششششكككككككلللللك مررره يجننن ، وشششششنبك خطططططير :$ 

ههههههههههههه آرسلت لهآ قُبُلآتي الحآره هههههه 

لآ وفيدآ تمسكني وتجرني " قووووزي آبو عيآلي " وندى تشد من الجهه الثآنيه ووجدآن صآرت آم العيآل وندى وفدآ ضرآت ههههه

المهم مشينآ نرجع لمبنآنآ ومرينآ من عند البآزآر ، والبنآت بس يشآهقون :$ ، خخخخ آشوآ إنو محد من إدآرة الجآمعه شآفوني كآن رحت ملح :$ ، 

تصدقون البنآت كلهم يتلفتون إلآ البويآت ههههههه ، مكتفين ذآتياً بأنفسهم هههههه :$ 

عآد رجعت لمبنآي وعقلت وشلت الشنب ورحت صليت ههههه ، وتبت إلى الله :$ ههههه ، بس كآن يوم شيق وممتع :$ 

مآيستفآد من الهرجه : 

- آنصحكم نصيحه من آخت لإخوآنهآ لحد يتديفر ويحل الوآجبآت ولآ يذآكر الكويزآت بالبيت ، إستمتعوآ قدر المستطآع والآشياء ذي سووهآ بالسيآره :$ .

- إذآ شفتوآ آحد من اللي تعرفونهم ترآجع مستوآهآ بأي شكل من الآشكآل ، بالدرآسه ، بالدين ، بالآخلآق آو آي شي ، ترآ يمدحون الرسآيل :$ ، بس بالأول شيكوآ على الإملاء هههههه :$ .

- اللي بتدخل نوير إحتمآل سمنتهآ ٩٩،٩٪ :$ .

- بآزآرآت نوير الجميله آكثر من محآضرآت المصريه الغثيثه ;P .

- إنتبهوآ تسحبون من صرآف الجآمعه لآنو إنتحآر ، فيه صرآفآت الريآض برآ كثر الدبآ إسحبوآ من برآ وتعآلوآ . 

- حلو لو الوآحد يسوي شي ممتع وشيق بحيآته حتى لو كآن هبآل ، وتلبسون شنب وطآقيه وتدورون بالحرم الجآمعي ;P 

تيتشرآتنآ ومشآريعنآ الفلة ;P

طبعاً عقب مآ بديت وتأقلمت على الجآمعة وكيذآ وحسيت صدز إني طآلبة جآمعية ، بديت آتعمق بالدرآسه وبدوآ يعطونآ مشآريع وخرآبيط ;P 

بس خلوني بآلآول آعرفكم على تيتشرآتي وكل وحده معهآ قصتهآ ;P  في آول كلآس ريآضيآت دخلته طلعت لنآ آردنيه يآحبيلهآ تقول هآظآ هههههه :$ ، الله يستر عليهآ كل شوي يرن جوآلهآ وهمين تطآلعآ تضحك ،

- هآظآ إبن عمي جآي من الآرطن إمبآرح :$

الللللللللاه هههههه تخيلوآ آنآ ولد عمي يدق علي وآقول 

- سوري والله هذآ ولد عمي آمس جآي من بريده :$ . 

خخخخخ مره ، وآصلاً آبوي اللي بيعطيني الرقم حقه :$

وآمآ حقت الريآضيآت الثانية سعودية في آول كلآس آبدن آبدن مآحبيتهآ ! من آول كلآس وآنآ كآرهتهآ -،- ، تخيلوآ مسأله قلت لهآ ليش سوينآ كيذآ ، المفروض كيذآ وكيذآ ، قآمت تتفلسف وقمت آنآ عآد بنقآش حآد معهآ ، إلتفتت 

- خلآص إفهميهآ زي كيذآ ولآ تسألين ! 

تتتتباً للعنصريه -.-  بس آنهآ بعد فتره بعيد عن آول يوم ;P كآن وقت إمتحآن ،

الآردنيه : تلقي المحآضره وتعطي الوآجب

السعوديه : تحل الوآجب وبكلآسهآ الإختبآر ،

عآد مره قلنآ لهآ تيتشر إشرحي لنآ على السريع الدرسين اللي بنختبر فيهم ،

قآلت طيب ، ههههههههههههههه يآ زينهآ جآبت لنآ نفس آسئلة الإختبآر وحلتهآ لنآ ;P

وبعض الآسئلة مآ مسحتهآ 3>_3> من هنآ بديت آحبهآ D;

ومره هههههه انا خلصت إختبآري ومريت على البنآت وهم يحلون جلست جنبهم ، ولآ كل وحده مآسكه البي بي وبالقروب يحلون لبعض ههههههههه ، ونشبوآ لهآ البنآت على فقرة إختيآري

قآمت تآشر يسآر يعني الخيآر الآخير هههههه خطيره مره :$

آنآ مآ عمري غشيت بس من جيت الجآمعه خربت :P » هم اللي يأمروني بالفحشاء والمنكر موش آنآ ;O

آذكر المره الوحيده اللي غششت فيهآ صديقتي كنآ بالمتوسط ، [ لآحظوآ إني غششتهآ مآ غشيت منهآ ]  كآن عندنآ بنت كلية هي اللي مسوية الإختبآر ، عآد آنآ خلصت إختبآري وآستنى صديقتي ولآهآ نآشبة عند مسألة ، وآروح وآكتب لهآ الحل بورقة وآعطيهآ ولآ ورآهآ وحده يمنيه هههههههه

رآحت بسرعه عند الإستآذه ، آنو بسمه تغشش صديقتهآ ;P

وتسحب الورقه من صديقتي وتعطيهآ صفر على المسأله ;P » نوف كيف الحآل ;O !

وإيه بعد عندكم المصريه حقت التربيه ، ييييخرب بيتهآ الوليه [ عجوز قريح تباً لهآ -.- ]

مره رن جوآل وحده من البنآت وقآمت تزآعق علينآ :| ،

وبنفس المحآضره رن جوآلهآ وعآدي كآنوآ مآصآر شي ، وآمسكي الجوآل وإطلعي كلمي برآ ،

رجعت قآلت آصلو دي مكآلمه من مصر ! تتباً لكي فلتذهبي إلى القحيم !

مره كآن عندنآ مشروع لهآ ، قآلت دنآ عآوزه بروشور ، بس برشور إيه ، دنآ عآوزه آشكآل غريبه !

قلت آنآ بسسس عندي ، وآقول لقروبي آنو بس يجيبون المعلومآت وآنآ بسوي البآقي ،

لآني متعوده على ثنويتي كنآ نسوي بروشورآت وسيديآت وكتيبآت وفآيلآت وخرآبيط لهآ آول مآلهآ تآلي ! عآد البنآت آرسلوآ لي الكلآم وآنآ صصمتهآ على شكل كتيب ، قعدت يوم كآمل وآنآ آسويه ، ورحت المطبعه

صآر لي موقف جميل وآنآ بالمطبعه xD ، كنت جآلسه وآشرح للرجآل كيف آبي الكتيّب

عآد اللي يشتغل كآن عبد ، وكلنآ عبيد لله ق1 ، رن جوآلي ولآ الوآلده الله يخليهآ :$ ،

- آلو هلآ يمه ،

- بسمه إسمعي آبسئلك ، الحين كيف آسوي إضافه لآحد وآنآ عندي رقم البن حقه

هههههههههههههههههههههههههه آنآ آطآلع الرجآل وآقوله دقيقه ، سلمكم الله امي من زمآن وعندهآ بلآك بيري لكن كل مره نشرحلهآ وترجع تسأل ;P ، بس الحمدلله فيه تقدم مستمر .

- يمه بس آرجع  آعلمك !

- لآ بسرعه وشلون ،

- طيب شوفي يمه . . . . إلخ

وطبعاً مع الشرح هذآ كله مآ فهمت وبعدين وآنآ بنص شرحي الثآني قآلت خلآص خلآص عرفت كيف ، طيب لحظه يمه خليني آكمل ، وشولون فهمتي ، لآآآآع :""(

- طيب مع السلآمه يمه .

آلتفت ولآ ذآ يضحك ، تتتباً يعني وشو مآ آقعد آعلم آمي !

يعني مآ آبر فيهآ مثلاً ، تتباً للعنصريه :|

وآكمل الكتيب وآطآلع ، طبعاً من زود الحرص آنآ وصديقآتي حطينآ لهآ المرآجع

هذآ هو الكتيب :$

رحت عآد آبسلم لهآ المشروع وآنآ منشششكحه ، آول مآ دخلت الغرفه ولآ فيه ثنتين معطينهآ البروشور على شكل فرآشآت وهي شوه ويغمى عليه ،

- ااالللللللللللاااه ده قممميييل اوي اوي ، بصوا يا بنات ازآي مشروعهم تحفه خالص

آنآ إنفكت الكشره من آقصى اليمين إلى آقصى اليسآر ، إذآ عجبهآ ذآ الفرآشآت آكككيييد بيعجبهآ حقي 3>_3>

دخلت وإلتفتت علي ،

- السلآم عليكم ، دكتوره هذآ مشروعنآ ، حبينآ نسويه لك على شكل كتيب ، ترآه جميل وآنآ وآثقه آنه بيعجبك :$

إلتفتت علي ونظرت لي نظره حقيره زيهآ

- آصلو آنآ اللي بئول قميل موش آنتي

تتتتتتتتتتتتتتتتتتتتتباً لكي -.- ، يعني إيه عوزآني آنحرف يآ وليه ،

فتحته ، وسسسسبحان الله السبه بطططرف اللسان !

- بوصي آصلو صآر تتش في عيني !

يآ ملآ التتش اللي يآخذ عيونتس الثنتين .

- يعني إنتي حطآلي درقة لون نفس لون الخلفيه !

- هووّ !! آنآ حآطه الخلفيه على بيج واللون زيتي وشلون !

- يعني اللي مآيلبسش النضآره لآزم يلبس ،

يعني مو مشكلتي انو انتي تلبسين نظاره والمشكله إنهآ مآلبستهآ هالسآعه -.-

- طب فييين أسمائكو !

- أسمائنآ في الخلف مع المرآجع

- إييييييه ! ، بتحوطيلي المرآقع ليييه ! ، دددده بروشوووور !

- من زود السنع يآ دكتوره !

- بوصي بتعدليلي عليه ، بتكبري الخط ولآ تغيري لونه وتحوطي آسمائكوآ أودآم وبتشيلي المرآقع ،

تباً لكي ، مو الشرهه عليك الشرهه على اللي يتسينع ويسويلك بروشور ، آنتي حدك فرآشآت زي حركآت الإبتدائي !

عآد رحت وعدلت لهآ البروشور ووديته لهآ ، سويت على طول 10 نسخ علشآن مآ تقولي إرجعي عدلي عليه ;P

هذآ هو القديد

لو تلآحظون خطآ مطبعي إكتشفته آم صديقتي ههههههههه " الطلبات " المفروض " الطالبات " :P خخخخخ زين مآ إنتبهت هالمصريه . 

عآد يوم رحت آسلم لهآ اللي بعد التعديل لقيتهآ قآطه مع الدكتوره اللي جنبهآ ، كآنت وحده جآيه تسلم لهآ مشروعهآ على شكل عروسه ، 

- بسسسسسسسسسم الله مشاء الله ، إيه القمممال ده ، دنتي لو تالبه عندي كان آديتك الدرقه الكمله ، بسسسم الله مشاء الله ، 

الله يلوع كبدك ! ، صدق لآ قآلوآ ذوق مصآريه ! تباً لهآ 

عآد سلمته آشوآ قآمت تسلك لي قآلت كوويس ! 

وآمآ تيتشرآت الإنجليزي حكآيه آُخرى ;P 

كآنت سعوديتين آول كلآسين بس بعدين حقت الكلآس الآول رآحت وجآبوآ وحده ، شكلهآ غريب ، وآكسنت حقهآ آمريكي ووولآ مبين فتفوته هي من وين ولآ حتى تتكلم عربي تهوشنآ لآ تكلمنآ عربي ! مع آنو لآ سألنهآ خآرج الكلآس سؤآل بالعربي ، تجآوبنآ بالإنجليزي ،

آنآ مشيت على إنهآ سعوديه ، قلت يمقن سعوديه تحط عدسآت وتصبغ شعرهآ ، وإسمهآ سمآح ، 

عآد مره كآن كلآسنآ عن الآشياء التقليديه 

عآد رفعت يدي وقلت المصمك ، قآلت آنو وشو هذآ المصمك متحف ! 

آنآ وجهي علآمآت إستفهآم ، وآآآآآآآآكبرهآ عند ربي سعوديه ولآ تعرف وشو المصمك !!!! وقآمت تتكلم آنو الرقصه السعوديه ، قآلت وش تسمونهآ ، قلنآ العرضه ، قآلت إيه آنو آنآ الحين آنآ بصير سعودييه :| تتتتباً آنآ عرق القصمن ططططق بآقصى درجه آبعرف هي من ويييين :"""( 

خلآص بدآ يطير النوم من عيوني وإنقلبت فجآه كونآن ;P هههههههههه عآد اشتغلنآ مبآحث آنآ والبنآت 

قلنآ يمقن آردنيه ، ويمقن سوريه حنطيه ! ، ويمقن مصريه ، ويمقن تونسيه ولآ من آي دوله عربيه ! 

من حسن حظنآ الكلآس اللي بعده كآن عن العائلة ، قآلت لنآ معكم صور لآهلكم ! 

قلنآ بالجوآل ، قآلت لآ ، وفتحت بوكهآ وطلعت صور عيلتهآ ، يوم طلعت صورت بنتهآ هههههههه تعرفون المصريآت اللي آم جديلتين تقسم الرآس بشكل آفقي نصين وتشده لآخر حد وتجدله وبعدين تطلع شعرآت فلآفل كيذآ هههههههه 

قلت بسسس مصصصريه ، وعرفت آنهآ مصريه ، وإسمهآ بعد سمآح الكآدي ، الللله تشي عيله مرموقه في مصصصر ;P 

يآزينهآ آحلى تيتشر جتني بالعآلم ;P 

وآمآ التيتشر الثآنيه إسمهآ نوف :$ ، سعوديه مره جميله ، آحسهآ تنفع صديقه آكثر من إنهآ تيتشر :$

كلآسهآ كله سوآلف ووسآعة صدر :$  بس لآ تزعل مننآ تقعد تعآقبنآ :'''(

خلوني آختم هالمقآله المرموقع بمشروعنآ حق الإنجليزي حق المصريه :$ 

كآنت عندنآ يونيت عن الآلآت والإلكترونيآت قآلت آنو نسوي دعآيه صوتيه ، ويآ حبذآ لو نحط لهآ صور وكيذآ 

جتني آنآ فكره قققهنميه $_$ 

- خلونآ نسوي دعآية للسشوآر ، آنو عآم آلف وحطبه مآكآن فيه سشوآر وكآنت فيه بنت شعرهآ عرآكيش ومآكآنت تقدر تروح الحفلآت علشآن شعرهآ :O ، وبعدين الحين في عآمنآ هذآ تقدر تروح اي مكان لانها تقدر تسوي شعرها خلال 10 دقآيق بس  :P 

وقلنآ طيب على آساس آنو 2 يسجلون آصوآتهم وآنآ آصور ، وفدو تخرج الفيديو 

طبعاً آنآ صورت بنت عمتي ، بنت عمتي بغى يغمى عليهآ يوم قلت لهآ آنو بحطك بمشروعنآ اللي بالجآمعه ههههههههه :$ 

صورتهآ ، وكآنت من الصور لقطه وهي تحط الكوآيه على شعرهآ ، عآد جبنآ الكوآيه ولآ خدآمتنآ كآنت تكوي 

قلت لهآ عآدي مآرآح ينحرق شعرك بس حطيهآ 

وطقآق وتعيي تحطهآ هههههه ، رحنآ حطينهآ بالفليزر علشآن تبرد ههههههههههههههه ;P 

عآد صورتهآ ورسلت الصور لفدو :$ 

واللي بيسجلون الصوت آسوم النص الاول ، وهآقر النص الثآني ، 

عآد آنآ كتبت السينآريو وقلت لهم ينقلونه ، هآجر العجآزه قآلت

- لآآآ شقيلي الورقه :( ، 

- لآآآآآآء معصي :( ، 

وبعد طقآق شقيت لهآ الورقه ، وأسماء نسخت حقهآ وآخذته 

كآن المفروض يوم الإثنين نسلمه ! ، لكن تسجيل هآجر مآ وصل ! ، نكلمهآ وتسفهنآ ، رحنآ قلنآ للتيتشر تمدد لنآ 

وكل يوم نكلم هآجر وتقول اليوم ! تباً لهآ -.- عآد بالآخير قآلت التيتشر يوم السبت آخر يوم ! آنو كل القروبآت سلموني مشآريعهم ! 

عصبت قلت خلآص آسماء اللي تسجل كآمل ،

- هآجر هآتي الورقه ! 

- آسسفه في البيت مدري وينهآ :( ، 

بغيت آمصعهآ بالعقآل ;P ، رحت كتبته مره ثآنيه ومن العجله كآن فيه خطآ ههههههه 

عطيته آسماء وليلة الجمعة جتني فيدآ قآلت

- بسه آنو آسماء آرسلت لي إيآه بصيغة wav وآنآ آبيهآ mp3 ، وآنآ تعبت وفيني نوم ، خلآص بسمة مآيحتآج نسويه فيديو ! خلآص بس نسلمهآ الصوت ومآيحتآج :! 

وآنآ اللي يطق فيني عرق عنآد ! ، قلت لهآ ترسله لي الصوت ، ويوم سمعت التسجيل آنو المنتج متوفر بلون آبيض وآسود ، واللي بالصوره وعندي وردي وآسود ههههههه 

وآروح آدخل الفوتو وآغير لون المنتج وخليته آبيض ;O ، بهالليله نزلت كل البرآمج حقت الفيديو على آساس بالبريك نسويه 

ومن بكرآ عقب مآ خلصنآ الريآضيآت وآمسك لآبتوبي ونقعد نفتح بهالبرآمج ، ولكن للآسف ولآ برنآمج ضبط :| !! 

عاد آنآ من آل مآك ، وفيه برنآمج تلقائي موجود بآي لآبتوب مآك إسمه iMove قلنآ يلآ آخر تجربه 

ولله الحمممد ضبط ، وقعدت آنآ وفدو نزينه :$ 

يوم خلصنآه بغيت آطير من الونآسه ، وورينآه البنآت وكلن عجبه :$ 

يلآ بس بآقي نحفظ الشغل ونسلمه للتيتشر :$ ، وآدور save مآفيه :| ، يآ خرآشي من فين آحفظظظظه :| !! 

قلنآ خلآص مآ عرفنآ نحفظهآ ههههههه رحت للتيتشر وورينآهآ إيآه فتحت لهآ وشغلته ومره إنهبلت ههههه

كل شوي تلتفت وعيونهآ تتلألأ 

- Greeeeeeeeeeaaaaaaaaaaaaaaaat , ammmmaaaaazing Girls it's wonderful ، 

ههههههه شوي ويغمى عليهآ ، طيب ركزي فيه لقطه حمآس هههههه ;O 

عآد كآن ودي آجيب لكم المقطع لكن فيه مسيقى :( ، مآودي آكسب آثام خلق الله لكن بوريكم الصور ;P 

- 

كآن يآ مكآن في قديم الزمآن كآن هنآك فتآة إسمهآ ريم ، كآنت فتاة تعيسه ، مآكآنت تقدر تروح للحفلآت ولآ تطلع علشآن شعرهآ 

حآولت تستخدم الكوآية علشآن تعدل هالشعيرآت ، 

ولكن للآسف مآ ضبط معهآ !!

لكن الحين فيه عآم ٢٠١١ آصبحت فتاة سعيده وتقدر تروح وتجي على رآحتهآ وفي آي وقت

ما صآرت تهتم بمشكلة شعرهآ لآنهآ الحين تقدر تسوي شعرهآ بالفير السيرآميك خلآل ١٠ دقآيق 

» لآحظوآ معي انو الفير وردي هنآ ههههههه

آسرع للحصول على نسختك ، قبل إنتهآء الكميه لآن الكمية محدودة ;P ، يوجد ضمآن إذآ لم يعجبك تستطيع إسترجآع مآلك ، ويوجد لونين آبيض وآسود ;O

وتوته توته وخلصت الحدوته ^.* 

نرآكم بالتدوينه الآخرى إنشاء الله :$ 

آول إسبوع من الدراسة :P

وإبتدت السنه الجديده وبدوآ المدارس تداوم ، لكن انا لآ ! كنت متعوده انو اول إسبوع إجآزه لآنو ثآنويتي كانت نظام مقررات :$

لكن كان فيه البرنامج التعريفي ، حقي كان يوم احد ، رحت له كان شي ممل يعني كان اختصروا اليوم هذا كله بمنشوره ، المهم بعده رحت اختبرت تحديد مستوى ، والبنات ما قصروا ،

- بسسسسسسمه لا تحلين طيب ، علشان تصيرين ليفل ١ ، احسن لك علشان تجيبين معدل زين " تباً لهم -.- ندمت بعدها اني سمعت كلامهم " ،  وانا كني دجاجتن صقعا ما حليت شي ابد اللهم بس احل صفحه وانط صفحه ، يعني علشان اريح ضميري !

وبعدها رحت لقاعة يجمعونا فيها علشان ننزل ونصور للبطاقه الجامعيه بالترتيب  ! قعدت تقريباً ساعه ونص وانا استنى ، شوي قالوا ، عذراً ، مآفيه وقت للبقيه ، تعالوا الاسبوع الجاي اي يوم بس اهم شي قبل يوم الثلوث -_- ! لو إني رآيحه وماكله شي احسن لي على لحم بطني من عشى آمس تباً لهم -.-

وبعد إسبوع كان فجر الاحد مواصله ومريحه وانا على اساس ما نزل جدولي ، دقت علي ريما

- ها نزل جدولك ، !

- لا ادخل الصفحه يطلع لي إيرور !

- وشلون ؟ طيب اسمعي ادخلي حسابك وروحي عند طباعة الجدول .

- لا انا اروح عند المعلومات الشخصيه !

- لا إدخلي سجلات الطالب والمكافأت الماليه .

يوم فتحته ولا جدولي نازل ، كان ودي اني اسحب لكن هما " م ح د " :P لآزم اتديلخ شويه واصير مصريه .

غفيت لي شوي ورحت ، كانت اول محاضره لي الساعه ٨ ورياضيات ، وانا قاريه القوانين اني ما اتاخر زياده على ١٠ دقايق

اختكم بالله وصلت الجامعه الساعه ٩ إلآ ثلث :| ، وانا طول الطريق بطني ماغصني وادور لي ححجججه على تآخيري :""(

طبعاً وحده من صديقاتي جايه بدري من زود السناعه ومحاضرتها الساعه ١٠ المهم قلت لها تدور رقم القاعه حقتي

علشان لما اجي دايركت ادخل .

ولما وصلت جتني عاد استقبال ، وفي الاحضان وحالتنا حاله ، كأننا البُأساء D:

الزبده وصلتني لقاعتي ودخلت وقفت ابخّرْ كل اللي اخترعته !

- تفضلي ، هذي شعبتك !

- إيه 1AK

- إجلسي حبيبتي .

وشو :/ طيب إستني آبخرط عليك ، لآ وقفي ، تباً :/

جلست اول كرسي ، ماكنت ابي اجلس جنب احد ، على آساس مآ آبي آكون صداقات ،

وكنت ماخذه على نفسي عهد ماراح اصادق احد ، والكتاب راح يكون صديقي المفضل !

تعرفون الامهات ، " انتبهي يا بنتي من صداقاتك ونقيهم تنقايه ، ومو اي احد تجلسين معه ! " ، لا وبعد في اخر اسبوع ايام المراجعه بالثنويه ، استاذة الدين جامعتنا ، ومحاضره كامله علشان ما اصادق الا اللي ارتاح معهم ، وانتبه لنفسي ، وانتبه من المجتمع الجامعي ، وخرابيط ام حديجان ، لها اول ولا لها تالي .

المهم نرجع للمحاضره ، جلست وانا بطني يمغصن من اللي اشوفه !

الرياضيات بالإنجليزي ! يآ نهآر إسود إيييه ده يآ مصبتي !

مع إن الرياضيات كانت من موادي المفضله ، لكن يقلبونه إنجليزي ازعل عليهم » طب يآ حبيبتشي إخبطي رآسك في الحيطه .

بعد ما خلصت وانبح حلق التيتشر وهي تقول تراه سهل واشياء تافهه بس اللهم إنجليزي !

طلعت كان عندي بريك سآعتين ونص لآنو الإنجليزي حقي كان مسائي من الساعه ١٢:٣٠ إلى ٤:٣٠

طلعت ولآ وحده من البنات عندها بريك زيي ، وتذكرت انا اني ما طلعت البطاقة الجامعية ، ورحت انا وهي كنا نستنى بالطابور علشان البطاقه ، وريثما نحنُ ننتظر قعدنا نتناقش حول مسلسل كوري ;P

كان جميل المسلسل والله :$ ، المهم ولما قربت ولاه لازم تصير معي ورقة الجدول حقي حق البطاقة الجامعيه :|

وانا نسيتها هما جبتها باليوم التعريفي :| ، يآ مصصبتي !!

- لآ لآتخافين آمسكي جدولي اذا قالت لك  وين جدولك واصلاً مآرآح تقرى إسمك :$

- وشلوووووون ، !!

- انتي حافظه الرقم الجامعي حقك !

- لا بس مسجلته بجوالي ،

- طيب طلعيه الحين بسرعه واحفظيه لانو لازم تسجلينه في الورقه عندهم ، والجدول هذا هو امسكي حقي صدقيني ماراح تركز .

طلعت الرقم وقعدت احفظه بسرعه ووصلت عندها وانا ارقل واتنافظ [ وجعلنا من بيني ايديهم سداً ومن خلفهم سداً فأغشيناهم فهم لا يبصرون ] وريتها الجدول ودخلتني وسجلت اسمي والرقم الجامعي بالورقه ومشيت ، :$ الحمدلله عدت على خير ، ورحت صورت وطلعت بطاقتي -.- كآني مصريه تباً

يعني طيب يجيبون كميرآ لو إنشاء الله شبه إحترافيه علشان تطلع صورنا شوية املح -.- يعني ليش العنف الاسري هذا !

عاد مشيت ورحنا فطرنا وانا عين مسكره وعين مفتوحه والاخلاق مقفله ،

رحت للمبنى حقي اللي فيه محاضرة الإنجليزي ، فيما رقيت وكيذا إلآ الساعة ١٢:٤٠ خلاص صار عندي تبلد بالاحساس ولا خفت ، دخلت الكلاس إلآ وحده تزاعق  علي !

- خييير تدخلين ، شايفتني جدار !

وع وش ذا التيتشر ، من اولها !

- نعم بدخل القاعه .

- الساعه معك كم !

- ١٢:٤٠ .

- يعني متأخره ١٠ دقايق ! احسب لك غياب يعني .

قمت احك راسي :

- طيب اسفه اول يوم عاد !

- ادخلي ولا عاد تسوينها ثانيه .

دخلت وقعدت طبعاً جلست برضو على الطرف مع اني لو اجلس بالصف اللي وراي ابجلس جنب وحده لكن شفتها وقلت وع وش ذا الطعسه خليني اجلس بالطرف احسن لي ;P

المهم جلست يمكن ربع ساعه وانا اطالع الباب ، يلا وينها علشان نبدا ، إلآ شوي دخلت وتطالع وحده من البنات اللي جالسات

- شكلوا مافيه شي اليوم ، امشي خلينا نطلع .

الللللللللللللللله وش ذا التيتشر الخطيره بتقعد كل يوم والثاني تسحب ، وناسه . المهم إلتفتت علي وهي تأشر وتضحك .

- ههههههههههههههههه تحسبني تيتشر !

انا تبقبقت عيوني :|

- انتي طالبه !!

- ايه ههههههههه .

- [ وجع ضحكتي من سرك بلآ ] يآ سقمك !

شلت شنطتي وطلعت وانا معصبه ، دقيت على السواق وشوي وجاء وطلعت .

ومن بكرآ سحبت ينقالي معصبه ، وبعده داومت كان اول يوم بكلاسات الإنجليزي . اول ما دخلت لقيت وحده جالسه بالطرف " فِداء " قمت اطالع فيها ، حسيت فيها من الغباء ما الله به عليم . جلست جنبها على آساس بس بالكلاس وبرا الكلاس اهج مع صديقاتي . خلصنا من الكلاس الاول وكان فيه بريك نص ساعه وبعده الكلاس الثاني ، كلهم إنجليزي .

بهالنص ساعه جيت بروح مع صديقاتي الا ذي ناشبه -.- ياليل الليل انا مو متفقه مع نفسي اني ماراح آصادق المهم قلت تعالي طيب ومشيت سلمت على ريما ووحده من البنات ورجعنا ودخلنا للكلاس الثاني .

كان ورانا بنتين " مرام" » الطعسه ، " ندى " حسيت إنها مغروره ;P ، فيها رزة غريبه كانها شايفه عمرها ، المهم قالت التيتشر قروبات من ٤ إلتفت عليهم وانا من جواتي " لا ليشششششش :'( " قعدت معهم إلآ شوي البنات خطيرات !

البنات ماقنننننننننندددددااااا " جميلات بالفلبيني ;P " ، تعرفت عليهم زي الناس وطلعت كل وحده تعبر عني من جهه :$

فِدآ تذكرني بصديقة الطفوله " نوف "

مرآم الجانب الكوري مني :$

ندى الجانب الوسيع الصدر وسواليف السفرات والفله :$

وكونت شلة من ٧ افراد :$ " فِدآ ، ندى ، مرآم ، وجدان ، شيخه ، اسماء ، جواهر " » ركزوآ آنو هذي اللي بيصير اعز صديق لها الكتاب ;P .

وكل وحده احس فيها شي مشترك بيني وبينها :$ ، يآزينهم بس .

حكمة وفوائد من هالهرجه :

- آول إسبوع من الجامعه لحد يداوم ، يعني داوموا من بعد دوامات المدارس بإسبوعين :$ .

- لا تسمعون كلام البنات ، اللي يقولون لاتحلين زين لا تحلين زين ! لآني انا لازم اتخرج من السنة التحضيريه وانا بليفل ٥ علشان تفتح لي اقسام كثيره .

- تزينوا لا جيتوا تصورون صورة البطاقه الجامعيه علشان ما تصيرون كانكم سيلانيات .

- اللي عندها بريكات طويله تجيب لابتوبها معاها وتقعد تطالع فلم ازين لها .

- انتبهوا للتيتشرات واي وحده تتفلسف عليكم خلوها تطلع بطاقتها علشان تثبت لكم إنهآ تيتشر !

- لا تظنون ظن السوء بالبنات ، حاولوا تقعدون مع الكل وتفهمونهم وهمين تختارون صداقاتكم .

فدو ، مرومه ، ندوشه ترا هذ كله ابليس موب انا :$